Tum Haqeeqat Nahi Ho Hasrat Ho
Jo Milay Khuwaab Mein Woh Daulat Ho
Main Tumhaaray Hi Dum Se Zinda Hon
Mar Hi Jaon Jo Tum Se Fursat Ho
Tum Ho Khushboo K Khuwaab Ki Khushboo
Aur Utni Hi Be-Muravvat Ho
Tum Ho Pehloo Mein, Par Qaraar Nahi
Yaani Aisa Hai Jaise Furqat Ho
Tum Ho Angraayi Rung-O-Nikhat Ki
Kaise Angraayi Se Shikaayat Ho
Kis Tarah Chhor Doon TUmhen Jaanaan
Tum Meiri Zindagi Ki Aadat Ho
Kis Liye Dekhti Ho Aainaa
Tum To Khud Se Bhi Khoobsurat Ho
Daastaan Khatam
No comments:
Post a Comment