DonoN JahaaN Teri Mohabbat Mein Haar K
Vo Ja Raha Hai Koi Shab-E-Gham Guzaar K
VeeraaN Hai Maikada, Khum-O-Saaghar Udaas Hain
Tum Kya Gaye K RooTh Gaye Din Bahaar K
Ek Fursat-E-Gunaah Mili, Vo Bhi Chaar Din
Dekhay Hain Hum Ne Hauslay Parwardigaar K
Duniya Ne Teri Yaad Se Begaana Kardiya
Tujh Se Bhi Dil-Fareb Hain Gham Rozgaar K
Bhoolay Se Muskura To Diye Thay Vo Aaj Faiz
Mat Pooch Walwalay Dil-E-Na-Kardakaar
No comments:
Post a Comment